بانگەشە بۆ هەڵبژاردنەکانی تورکیا دەستی پێ کرد

ئەنقەرە - AA

ئەو رۆژژمێرەی دامەزراوەی باڵای هەڵبژاردنەکانی تورکیا بۆ هەڵبژاردنەکانی ١٤ی ئایار دیاریی کردبوو دەستی پێ کرد.

بەگوێرەی رۆژژمێرەکە لەمڕۆوە، بانگەشەی هەڵبژاردنەکان دەستی پێ کردووە و تا کاتژمێر ١٨:٠٠ی ئێوارەی ١٣ی ئایار بەردەوام دەبێت.

ئەو کاندید و پارتە سیاسییانەی بەشداری هەڵبژاردنەکان دەکەن، تا کۆتاییهاتنی ماوەی بانگەشەکان دەتوانن لە راگەیاندنەکان و ماڵپەڕەکان بەشێوەی نووسراو و بینراو، بانگەشە بۆ خۆیان بکەن.

لە بەرامبەریشدا کاندید و پارتە سیاسییەکان ناتوانن لەڕێگای ناردنی نامەی دەنگی و نووسراو بۆ پۆستی ئەلیکترۆنی و ژمارە تەلەفۆنیی تایبەتی هاووڵاتییان، بانگەشە بۆ خۆیان بکەن.

هەر لێکۆڵینەوە و راپرسییەکیش لەبارەی هەڵبژاردنەکانەوە بکرێت، پێویستە ئاشکرابێت کە لەلایەن چ دەزگا و کەسێکەوە ئەنجامدراوە، بنەماکانی بانگەشەی هەڵبژاردنیش لەلایەن دامەزراوەی باڵای هەڵبژاردنەکانی تورکیاوە دیاریی دەکرێن.

لە بانگەشەکاندا نابێت ئۆتۆمبێلی فەرمانگەکان بەکاربهێندرێت.

هەروەها بەدرێژایی ماوەی بانگەشەی هەڵبژاردن، ئەنجامدانی هەموو جۆرە رێوڕەسمێکی تایبەت بە کردنەوە و دانانی بەردی بناغەی پڕۆژە گشتییەکان قەدەغە دەکرێت.