کڵچدارئۆغڵو: ''لە میانی دوو ساڵدا سووریاییەکان دەنێرینەوە''

ئۆردو - AA

سەرۆکی گشتیی جەهەپە و کاندید بۆ پۆستی سەرکۆماری تورکیا، کەمال کڵچدارئۆغڵو لە گردبوونەوەی جەماوەریی ''دیداری گەل''دا کە لە مەیدانی کۆماریی شاری ئۆردو ساز کرا، ئاماژەی بەوە کرد کە هەتا دوا ساتی ژیانی کار بۆ گەیاندنی کۆماری تورکیا بە شارستانییەتی مۆدێرن دەکات.

کەمال کڵچدارئۆغڵو باسی لەوە کرد کە گەنجان قەدەری تورکیا دەگۆڕن و هەموو ئومێدیشی لەو گەنجانەدایە کە یەکەمجارە دەچنە سەر سندوقەکانی دەنگدان.

کاندید بۆ پۆستی سەرکۆماری تورکیا، کەمال کڵچدارئۆغڵو ئەوەشی خستەڕوو کە بەپێی ئامارە فەرمییەکان لە تورکیادا، سێ ملیۆن و ٦٠٠ هەزار سووریایی هەن و گوتی: ''ژمارەی ئەو ئەفغانستانیانەی هاتوون نازانین. بۆ خاتری خودا ئەم سنوورە بۆچی بووەتە رێگای تێپەڕبوونی میوانخانە؟ من بەڵێنێکم بۆ ئەم گەلەم هەیە. درەنگترین کات لە میانی دوو ساڵدا خوشک و برایانی سووریاییمان دەگێڕینەوە بۆ وڵاتەکەی خۆیان. ئەگەر حەز بکەن دەتوانن بۆ پشوو بێن بۆ وڵاتەکەمان، تەنانەت سنوور نزیکە و دەتوانن ئاهەنگەکانیشیان لە تورکیا بکەن. هەموو توانایەک هەیە لە تورکیادا، بەڵام دەبێت هەمووان لە وڵاتی خۆیاندا بژین. ژیان لە وڵاتی خۆتدا خۆشترە، هەروەها خوشک و برایانی ئەفغانستانیش دەنێرینەوە بۆ وڵاتەکەیان. ئێمە دەمانەوێت لە وڵاتەکەی خۆماندا بە ئاسوودەیی بژین''.

کەمال کڵچدارئۆغڵو باسی لەوە کرد کە ئەو سووریاییانەی لە تورکیادا کار دەکەن رۆژانە ١٨ کاتژمێر کار دەکەن و دەستەبەر نەکراون و گوتی: ''سبەی کە چوونە تەمەنەوە کێ چاودێرییان دەکات؟ بانگم لە ئەورووپییەکانیش کرد، ئەگەر ئێوە متمانەتان بە ئێمە هەیە، متمانەتان بە ئێمە نەبێت، ئایا براکەم ئێرە دەبێتە بارەگای پەنابەر؟ ئێرە دەبێتە رێگای تێپەڕبوونی میوانخانە؟ ئایا من دەبمە ناوچەی قەدەغەکراوی تۆ؟ ئەمە قەبوڵ ناکەین. تێگەیشتنی نەتەوەیی من جیاوازە و لە هی ئەوان ناچێت. لەبەر ئەوە بانگ لە ئەورووپییەکان دەکەم، یان وەرن ئەو کێشەیە چارەسەر بکەن، ئێوەش ئاسوودە بن و ئێمەش. با هەموو ئەرکەکە لەسەر شانی ئێمە نەبێت''.

لە گردبوونەوە جەماوەرییەکەدا، هەروەها هەریەک لە سەرۆک شارەوانییەکانی ئەنقەرە و ئیستانبوڵ گوتاریان پێشکەش کرد و کاندیدانی جەهەپە بۆ پەرلەمانی تورکیا ناسێندران.