بەفر قەزای ساریکامشی پارێزگای قەرسی داپۆشیوە

قەرس - AA

شەپۆلێکی بەفر بارینی چڕ ڕووی لە قەزای ساریکامشی سەربە پارێزگای قەرس کردووە.

بارینی بەفر کە کاتەکانی دوێنێ شەو دەستیپێکرد و هەتا بەیانی بەردەوام بوو، قەزاکەی داپۆشیوە و ئاستی بەفر لە ناوەندی قەزاکە گەیشتووەتە ٢٠ سم.

دانیشتوانی قەزاکە، بەفری کەڵەکە بووی سەر ئۆتۆمبێل و بەردەم خانوو و دووکانەکانیان ڕاماڵی.

تیمەکانی شارەوانی و ڕێگاوبان، سەرقاڵی ڕاماڵینی بەفری کەڵەکەبووی سەر ڕێگاوبانەکانن.

هاووڵاتی جەلال گۆک، لە لێدوانێکیدا بۆ ئاژانسی ئانادۆڵو، ئاماژەی بەوە کرد کە لە دوێنێ ئێوارەوە شەپۆلێکی بەفر بارین ڕووی لە قەزاکەیان کردووە و ڕایگەیاند: ''بەیانی بەخەبەرهاتین بینیمان هەموو لایەک بەفر دایپۆشیوە، لە ئێستادا بەفری کەڵەکەبووی بەردەم دووکانەکان ڕادەماڵین، ماشااللە بەفرێکی باش باریوە''.