بەفربارین بینگۆل و ماردینی گرتەوە

بینگۆل/ ماردین-AA

ئەو شەپۆلی بەفربارینەی رووی لە ناوچەکە کردووە، هەردوو پارێزگای بینگۆل و ماردینیشی گرتەوە.

لە پارێزگای بینگۆل بارانی بەلێزمە ناوەند و بەفر بەرزاییەکانی پارێزگاکەی گرتەوە.

بەهۆی بەفر بارینەوە گوندە بەرزەکانی بینگۆل بە بەفر داپۆشران.

هەروەها پلەکانی گەرما بە شێوەیەکی بەرچاو دابەزین و با ناوچەکەی گرتەوە.

- ماردین

لە پارێزگای ماردین بەهۆی بەفربارینەوە مەودای بینین کەمبووەوە.

بەفر بەرزاییەکانی پارێزگاکەی داپۆشی و دیمەنێکی دڵڕفێنی بەخشییە بینا مێژووییەکانی شارەکە.

هەروەها پلەکانی گەرما بە ئاستێکی بەرچاو دابەزین و بەفر بارین بەتایبەت لە بەرزاییەکانی ماردین، بەردەوامە.