توركيا.. لە ماوەى ٢٤ كاتژمێرى رابردوودا دوو هەزار و ٣٠٢ حاڵەتى نوێى تووشبوون تۆماركراوە

ئەنقەرە - AA

وەزارەتى تەندروستیى توركيا بڵاویكرده‌وه، لە ماوه‌ی ٢٤ كاتژمێرى رابردوودا، دوو هەزار و ٣٠٢ حاڵەتى نوێى تووشبوون و ٧٦ گيانلەدەستدان بە ڤایرۆسی کۆرۆناى نوێ (COVID-19) تۆماركراون.

"خشته‌ی رۆژانەى ڤايرۆسى كۆرۆنا" كە دوايين ئامارەكانى ڤايرۆسى كۆرۆنا له ‌توركیا لەخۆده‌گرێت لەڕێگەى ماڵپەڕى "covid19.saglik.gov.tr"ه‌وه‌ بڵاوكرايەوە.

بەپێی خشته‌كه‌، ئەمڕۆ ١٣٩ هەزار و ١٠٣ پشكنينى ڤایرۆسی کۆرۆنای نوێ (COVID-19) ئەنجامدراوە، دەرەنجام، دوو هەزار و ٣٠٢ حاڵەتى نوێى تووشبوون بە ڤايرۆسه‌كه‌ تۆماركراوە.

هەر بەپێی خشته‌كه‌، لە ٢٤ كاتژمێری رابردوودا، ٧٦ تووشبوو گيانيان لەدەستداوە، هەزار و ٥٢١ نەخۆش چاكبوونەتەوە و كۆى گشتيى ئەو تووشبووانەى كە چارەسەريان تەواو بووە و نەخۆشخانەيان جێهێشتووە بۆ ٣٢٧ هەزار و حەوت کەس بەرزبووەتەوە.

بەپێی ئامارەكان، كۆى گشتيى ١٤ مليۆن و ٢٦٤ هەزار و ٢٦٠ پشكنينى (COVID-19) ئەنجامدراون، كۆى گشتیی حاڵەتەكانى تووشبوون گەيشتووەتە ٣٧٩ هەزار و ٧٧٥ حاڵه‌ت و گيانلەدەستدانيش گەيشتووەتە ١٠ هەزار و ٤٠٢ حاڵه‌ت.

هاوكات، ژمارەى كه‌یسه‌ چالاكەكان ٤٢ هەزار و ٣٦٦ و ژمارەى ئەو نەخۆشانەى كە دۆخى تەندروستييان ناجێگيرە دوو هەزار و ٣٤١ نەخۆشە.

بە پێى ئامارى هەفتانە لە خشتەكەدا، لەهەفتەيەدا رێژەى هەوكردنى سييەكان لاى نەخۆشەكان لەسەدا ٤،٧ بوو. رێژەى پڕبوونى قەرەوێڵەكان سەدا ٥١،٧ـه. رێژەى پربوونى چاودێریى چڕ بۆ پێگه‌یشتووان سەدا ٦٨،٥ـه، رێژەى پڕبوونى قه‌ره‌وێڵه‌كانی هەناسەدانى دەستكرد سەدا ٣٢،٩ـه، ناوەندى كاتى دياريكراو بۆ بەريەككەوتن ١٠ كاتژمێرە، رێژەى دەستنيشانكردنى سەرچاوەكانى بەريەككەوتن سەدا ٩٩،٧يـه.

- "تەنها بە خۆبەخشى كارمەندانى تەندروستيمان سەرناكەوين"

وەزيرى تەندروستیى توركيا، فەخرەددين كۆجا لە هەژمارى تايبەتى خۆى لە تويتەر لە په‌یامێكدا له‌باره‌ی دوايين ئامارەكان رايگەياند "ئەمڕۆ دوو هەزار و ٣٠٢ حاڵەتى نوێى تووشبوون بە كۆرۆنا تۆماركراوە. ژمارەى ئەو نەخۆشانەى كە دۆخيان ناجێگيرە بە بەراورد بە دوێنێ ١٦٤ زياديكردووە و گەيشتووەتە دوو هەزار و ٣٤١. لە بەرەنگاربوونەوەمان لە دژى پەتاكە تەنها بە خۆبەخشى كارمەندانى تەندروستيمان سەرناكەوين. هەموو پێكەوە نابێت لە پابەندبوون دووربكەوينەوە".