دەستگیرکردنی ٣٢ کەس بەتۆمەتی ئەندامێتی لە داعش لە سێ پارێزگای تورکیا

ئیستانبوڵ - AA

لە میانی ئۆپەراسیۆنێکدا بۆسەر رێکخستنە نهێنییەکانی رێکخراوی تیرۆریستیی داعش کە سەنتەرەکەی ئیستانبوڵ بوو و دوو پارێزگای دیکەیشی گرتەوە، ٣٢ گومانلێکراو دەستگیرکران.

تیمەکانی بەڕێوەبەرایەتی هۆبەی بەرەنگاربوونەوەی تیرۆر سەربە ئاسایشی پارێزگای ئیستانبوڵ و پارێزگاکانی ئایدن و سیواس لە چوارچێوەی هەڵمەتەکانی دۆزینەوەی ئەو کەسانەی پەیوەنديیان هەبووە بە داعش و ناوچەکانی پێکدادان، ئۆپەراسیۆنی هاوکاتیان کردە سەر ٣٩ ناونیشان.

لە ئۆپەراسیۆنەکەدا کە هێزەکانی پۆلیسی تایبەت بەشداربوون،٣٢ گومانلێکراو دەستگیرکران.

رێوشوێنەکانی ئاسایش لەبارەی گومانلێکراوە دەستگیرکراوەکان درێژەی هەیە.