رەوانەکردنی هێزی سەربازی تورکیا بۆ سەر سنووری سووریا بەردەوامی هەیە

هاتای - AA

کاروانێکی سەربازی تورکیا کە بە مەبەستی هاوکاری هێزەکانی سنوور رەوانەی ناوچەکە کرابوون، گەیشتە شاری هاتای لەسەر سنووری سووریا.

چوار تانک کە لە ناوچە جیاجیاکانی تورکیاوە بەڕێکەوتبوون، گەیشتنە شارۆچکەکانی هاسا و کرکهان.

تانکەکان لە رێوشوێنێکی ئەمنیدا گەیشتنە یەکەکانی سوپای تورکیا لەسەر سنووری سووریا.

لەم نێوەندەدا ئەوەی بەدی دەکرا، هاووڵاتییانی گەڕەکەکانی سەر سنووری سووریا ئاڵای تورکیایان هەڵکردبوو لە ماڵەکانیاندا.