سوپای توركیا به‌ هێلیكۆپته‌ر هاووڵاتییان له‌و ناوچانه‌ ده‌گوازێته‌وه‌ كه‌ لافاویان لێ دروست بووه

كاستامۆنو – AA

سوپای توركیا به‌رده‌وامه‌ له‌ گواستنه‌وه‌ی هاووڵاتییان له‌و ناوچانه‌ی لافاویان لێ دروست بووه بۆ ناوچه‌ی ئارام به‌ هێلیكۆپته‌ر.

هاووڵاتییان له‌ هه‌ردوو قەزای بۆزكورت و ئابانا سەربە پارێزگای كاستامۆنو كه‌ به‌هۆی ژێرئاوكه‌وتنی خانووه‌كانیان و بۆ رزگاركردنی گیانیان چوونه‌ته‌ سه‌ربانی خانووه‌كانیان، به‌ هێلیكۆپته‌ر ده‌گوازرێنه‌وه‌ ناوچه‌ی ئارام.

په‌یامنێری ئاژانسی ئانادۆڵو له‌ناو هێلیكۆپته‌ره‌وه‌ گرته‌ی كاره‌كانی رزگاركردن و به‌دواداگه‌ڕانی تۆمار كرد.

كاره‌كانی رزگاركردن و به‌دواداگه‌ڕان له‌و ناوچانه‌ به‌ر لافاو كه‌وتوون، به‌رده‌وامه‌. ‌