لە رووداوێکی ھاتوچۆ حەوت کەس گیانیان لە دەستدا

دھۆک -AA
لە رووداوێکی ھاتوچۆ لە نێوان بەردەرەش و کەلەک لە نزیک گوندی گەویلان حەوت کەس گیانیان لە دەستدا.
بە پێی زانیارییەکانی پەیامنێری ئاژانسی ئانادۆڵو لە شوێنی رووداوەکە قوربانیانی رووداوەکە ھەموویان لە یەک خێزانن و دانیشتوی شارەدێی کەڵەکن.
رووداوەکە لە نێوان ئوپێلێکی ڤێکترا و بارھەڵگرێک روویداوە و تا ئێستا لێکولینەوەکانی پۆلیسی ھاتوچۆ بەردەوامە.
نەقیب وەلید ئەدھەم ئەفسەر لە بنکەی ھاتوچۆی کەڵەک ئەم زانیارییانەی بۆ ئاژانسی ئانادۆڵو پشتراست کردەوە.