وان.. تەقینەوەی بۆمبێک بە کاروانێکی سوپا

وان

لە ئاکامی تەقینەوەی بۆمبێک بە کاروانێکی سەربازی لە شارۆچکەی باشکالەی سەربە پارێزگای وان کە لەلایەن ئەندامانی پەکەکەوە چێنرا بوو ١٣ سەرباز بریندار بوون.

بە گوێرەی زانیارییەکان، لە کاتی تێپەڕبوونی کاروانێکی سەربازی بەشەقامی سەرەکی باشکالە - هەکاری نزیک ناوچەی چاملک بۆمبێکی چێنراو کە لەلایەن ئەندامانی پەکەکەوە دانرابوویەوە بە کاروانەکە تەقییەوە.

بەهۆی تەقینەوەکە ١٣ سەرباز بریندار بوون.

تیمەکانی فریاگوزاری گەیشتنە شوێنی رووداوەکە و بریندارەکانیان گەیاندە نەخۆشخانە.

بە مەبەستی دەستگیرکردنی ئەنجامدەرانی تەقینەوەکە ئۆپەراسیۆنێکی بەرفراوان لە ناوچەکە دەستی پێ کرد.