وەرگەڕانی پاسێک لە عەنتاب

بەپێی زانیارییە سەرەتاییەکان، بەهۆی وەرگەڕانی پاسێکەوە لە شارۆچکەی نورداغی سەر بە پارێزگای عەنتاب، چوار کەس گیانیان لەدەستدا و ٢٠ کەسی دیکەش بریندار بوون.

بەگوێرەی ئەو زانیارییانەی دەستکەوتوون، پاسەکە بەهۆی لەدەستدانی کۆنتڕۆڵەوە وەرگەڕاوە.

لە رووداوەکەدا چوار کەس گیانیان لەدەستداوە و ٢٠ کەسی دیکەش بریندار بوون و شوفێرەکە یەکێکە لە بریندارەکان.

دواتر ئۆتۆمبیلەکانی فریاکەوتن گەیشتوونەتە شوێنی رووداوەکە و بریندارەکانیان بۆ نەخۆشخانەکانی عەنتاب گواستووەتەوە. بەهۆی رووداوەکەشەوە قەرەباڵغییەکی زۆر لەسەر رێگەکە درووستبووە.