وەزارەتی دەرەوەی تورکیا ئیدانەی سەرکۆماری فەڕەنسا دەکات

ئەنقەرە - AA

گوتەبێژی وەزارەتی دەرەوەی تورکیا، حامی ئاکسۆی ئیدانەی پێشوازی سەرکۆماری فەڕەنسا، ئێمانوێل ماکرۆن لە شاندی ھێزەکانی سووریای دیموکرات سەر بە پەیەدە/یەپەگەی درێژکراوەی رێکخراوی تیرۆریستی پەکەکە لە سووریا کرد.

ئاکسۆی وەڵامی پرسیارێکی پەیوەندیدار بە پێشوازی ماکرۆن لە شاندێکی ھێزەکانی سووریای دیموکراتی سەر بە پەیەدە/یەپەگە دایەوە کە ئاراستەی وەزارەتی دەرەوەی تورکیا کرابوو.

گوتەبێژی وەزارەتی دەرەوەی تورکیا، حامی ئاکسۆی رایگەیاند: "ئیدانەی پێشوازی ماکرۆن لە شاندی ھێزەکانی سووریای دیموکرات سەر بە پەیەدە/یەپەگەی درێژکراوەی رێکخراوی تیرۆریستی پەکەکە لە سووریا دەکەین. ئەم ھەوڵە دەستکردە کە مەبەست لێی بە شەرعی کردنی درێژکراوەکانی رێکخراوی تیرۆریستییە، لەگەڵ پەیوەندی ھاوپەیمانی ناگونجێ و ھەنگاوێکی زۆر ھەڵەیە".

ئاکسۆی راشیگەیاند: "دووبارە ئەوە بەبیردەھێنینەوە کە نابێ رێگە بە بەردەوامی ئەو رۆژەڤە بدرێت کە تیایدا یەکپارچەیی خاک و یەکێتی سیاسی سووریای کردووەتە ئامانج، ھاوکات تورکیا سڵ ناکاتە لە گرتنەبەرەی رێوشوێنی پێویست بەمەبەستی دەستەبەرکردنی ئاسایشی نیشتمانی تورکیا".