کڵچدارئۆغڵو ھەڵسەنگاندنی بۆ لێدوانەکانی عەبدوڵا گول کرد

قەیسەری -AA

سەرۆکی گشتی جەھەپە، کەمال کڵچدارئۆغڵو لەبارەی لێدوانەکانی ئەم دواییەی ١١ەمین سەرکۆماری تورکیا، عەبدوڵا گول گوتی: "ئەو لێدوانانەی پێشکەشی کردوون زۆر گرنگ و بەھادارە".

کڵچدارئۆغڵو لە پارێزگای قەیسەری لەگەڵ سەرۆکەکانی لقی پارتەکەی کۆبوونەوە و دواتریش لێدوانی بۆ رۆژنامەنووسان دا.

کڵچدارئۆغڵو لەبارەی لێدوانەکانی ئەم دواییەی ١١ەمین سەرکۆماری تورکیا، عەبدوڵا گول گوتی: "بەرێز گول رایگەیاندووە ئەگەر لە چوارچێوەی چەند بنەمایەکی دیاریکراو رێککەوتنێکی فراوان بکرابا ئەوا خۆی بۆ ھەڵبژاردنەکان کاندید دەکرد. ئەو لێدوانانەی پێشکەشی کردوون زۆر گرنگ و بەھادارە".

کڵچدارئۆغڵو گوتیشی: "جەختکردنەوەی کەسێک کە سەرکۆماری ئەو وڵاتە بووە لەسەر شەفافیەت و دادپەروەری زۆر گرنگە و بەھادارە".

کڵچدارئۆغڵو لە دوای ئەمەش سەردانی ئاھەنگێکی بوک گواستنەوەی لەو پارێزگایە کرد.