یۆنان ...خۆپیشاندانی پاڵپشتی لە پەنابەران

ئەسینا

نزیکەی ھەزار کەس لە شاری ئەسینای پایتەختی یۆنان خۆپیشاندانیان لە دژی رەگەزپەرستی و پاڵپشتی لە پەنابەران ئەنجامدا.

خۆپیشاندەران لە گۆڕەپانی ئۆمۆنیای ئەو شارە کۆبوونەوە و بەرەو بینایەی نووسینگەی یەکێتی ئەورووپا بەڕێکەوتن. ھاوکات ژمارەیەکی زۆری پەنابەرانیش بەشداریان لەو خۆپیشاندانەکە کرد کە منداڵانیشی تێدابوو.

خۆپیشاندەران ھوتافیان لە دژی شەڕی ناوخۆی سووریا گوتەوە کە ماوەی حەوت ساڵە بەردەوامە. بەم پێیەش بۆیەی سووریان فڕێدایە باڵیۆزخانەی نەمسا لەو شارە.

خۆپیشاندەران چەندین لافیتەیان ھەڵگرت کە تێدا دروشمەکانی "نا بۆ کەمپەکانی کۆکردنەوە لە ئەورووپا" و "نیۆنازیەکان بۆ دەرەوە" و "سنوورەکان بکرێنەوە" و "رێککەوتنی یەکێتی ئەوورپا و تورکیا ھەڵبوەشێتەوە" نووسرا بوو.

خۆپییشاندانەکە لە ژێر رێوشوێنی ئەمنی توند نزیکەی سێ کاتژمێری خایاند و پاشانیش کۆتایھات.