ئامادەکردنی پاکێجێکی ھاوکاری مرۆیی بۆ ئیندۆنێزیا

نەتەوە یەکگرتووەکان -AA

بەھۆی روودانی بومەلەرزە و تسونامی لە وڵاتی ئیندۆنێزیا، نەتەوە یەکگرتووەکان پاکێجێکی ھاوکاری بە بڕی ٥٠ ملیۆن دۆلار بۆ ئەو وڵاتە تەرخانکرد.

گوتەبێژی سکرتێری گشتی نەتەوە یەکگرتووەکان، ستیفان دوگاریک لە کۆنگرەی رۆژنامەوانی رۆژانەی خۆی رایگەیاند، تیمی مرۆیی وڵاتان کە پێکھاتوون لە دامەزراوەکانی سەر بە نەتەوە یەکگرتووەکان، رێکخراوەکانی کۆمەڵگەی مەدەنی و مانگی سوور و خاچی سووری نێودەوڵەتی، پاکێجێکی ھاوکاریان بە بڕی ٥٠ ملیۆن دۆلار بۆ وڵاتی ئیندۆنێزیا ئامادە کردووە.

دوگاریک رایگەیاند کە ئەو پلانەی ھاوکاری لە ئەنجامی کۆبوونەوەکانیان لەگەڵ حکوومەتی ئیندۆنێزیا دەستیپێکردووە. گوتیشی: "لەم پلانەدا باس لە چۆنییەتی پێشکەشکردنی ھاوکاری تەکنیکی بۆ ئەو ھاوکارییە مرۆیانە کراوە کە بڕیارە حکوومەت لە ماوەی سێ مانگی داھاتوودا، بگەیەنێتە ١٩١ ھەزار کەس".

پێشتریش ئەوە بڵاوکرابوویەوە کە لە ئەنجامی بوومەلەرزە و تسونامییەکەدا، دوو ھەزار و ٥٤٩ کەس برینداربوون و زیاتر لە ١٠٠ کەسیش بێسەروشوێنن.