ئه‌مریكا له‌ سه‌ر داواكاری گوایدۆ "هاوكاری مرۆیی" بۆ ڤێنیزوێلا ره‌وانه‌ ده‌كات

واشنتۆن – AA

ئه‌مریكا رایگه‌یاند به‌ پیر داواكارییه‌كه‌ی سه‌ركرده‌ی ئۆپۆزسیۆن خوان گوایدۆ-وه‌ دێن كه‌ وه‌ك سه‌رۆكی كاتی ڤێنیزوێلا دانی پیادا ناوه‌؛ بۆ ره‌وانه‌كردنی "هاوكاری مرۆیی".

راوێژكاری ئاسایشی نیشتیمانی كۆشكی سپی، جۆن بۆڵتۆن له‌ هه‌ژماری فه‌رمی خۆی له‌ تویته‌ر رایگه‌یاند: "دوای به‌گونجاوزانینی داواكاری سه‌رۆكی كاتی ڤێنیزوێلا خوان گوایدۆ له‌لایه‌ن ئه‌مریكاوه‌، به‌ هه‌ماهه‌نگی له‌گه‌ڵ به‌رپرسانی ئه‌و (ئۆپۆزسیۆنی ڤێنیزوێلا) هاوكاری مرۆیی وه‌ك پێداویستی پزیشكی و ته‌ندروستی بۆ گه‌لی ڤێنیزوێلا ره‌وانه‌ ده‌كه‌ین. ئیدی كاتی كشانه‌وه‌ی مادورۆ هاتووه‌".

لای خۆیشیه‌وه‌ وه‌زیری ده‌ره‌وه‌ی ئه‌مریكا، مایك پۆمپیۆ له‌ هه‌ژماری فه‌رمی خۆی له‌ تویته‌ر پشتیوانی له‌ لێدوانه‌كه‌ی بۆڵتۆن كرد.

پۆمپیۆ به‌ وه‌رگرتنی تویته‌كه‌ی گوایدۆ كه‌ داوای "هاوكاری مرۆیی" كردبوو، نووسیوویه‌تی "ئه‌مریكا پشتگیری هه‌وڵه‌كان ده‌كات بۆ كۆكردنه‌وه‌ی هاوكاری مرۆیی بۆ ئێوه‌. ئاماده‌ی پشتگیریكردنی گه‌لی ڤێنیزوێلاین".