ئەرجەنتین حیزبوڵڵا وەک رێکخراوێکی تیرۆریستی دەناسێنێت

بۆینس ئایرس - AA

یەکەی زانیاری ئابووری UIF کە لەخانەی وەزارەتی گەنجینەی ئەرجەنتین کار دەکات، داوای کرد سەروەت و سامانی حیزبوڵڵا لە وڵاتەکەیان بلۆک بکرێت.

لە راگەیەندراوی UIF دا هاتووە، "فەرمان کرا بە بلۆک کردنی سەروەت و سامانی سەرکردە و ئەندامانی رێکخراوی تیرۆریستی حیزبوڵڵا و هاوکات دەستیان بەرێکارەکان کردووە بۆ تۆمار کردنی ئەو کەس و دەزگایانەی پەیوەندییان هەیە بە تیرۆریزم و دابین کردنی ئابووری بۆیان".

لە راگەیەندراوەکەدا هاتووە، "حیزبوڵڵا و یان باڵی چەکدارییەکەی لە ئەمریکا، کەنەدا، بەریتانیا، ئوستڕاڵیا، نیوزلاند، هۆڵەندا و یەکێتی ئەورووپا، وەک رێکخراوێکی تیرۆریستی ناسێنراوە".