ئەفغانستان.. ئۆپەراسیۆن لەدژی تاڵیبان

لە درێژەی ئۆپەراسیۆنەکانی سوپای ئەفغانستان لە دژی چەکدارانی بزووتنەوەی تاڵیبان کە ماوەی دوو هەفتەیە دەستی پێکردووە لە ویلایەتەکانی قەندەهار، ئوزورگان، زابول و هیلمەند ٢٢٠ چەکداری تاڵیبان کوژراون و ١٢٠ی دیکەش بریندار بوون.

لە میانی لێدوانێکی بۆ ئاژانسی ئانادۆڵو، بەرپرسی کەتیبەی ٢٠٥ی سوپای ئەفغانستان لە باشووری ئەو وڵاتە داود شاه وەفادار گوتی: "دوو هەفتە بەر لە ئێستا ئۆپەراسیۆنێکمان لە ویلایەتەکانی قەندەهار، ئوزورگان، زابول و هیلمەند دەست پێکرد و لە ئاکامدا ٢٢٠ چەکداری تاڵیبان کوژراون و١٢٠ی دیکەش بریندار بوون".

ئەوەیشی راگەیاند کە لە ئۆپەراسیۆنەکاندا ژمارەیەک پارچە چەک و بڕێک تەقەمەنی دەستی بەسەردا گیراوە.