بۆردومانێکی ئیسرائیل بۆ سەر لوبنان کوژرانی سەربازێکی لێکەوتەوە

بەیروت ــ AA

لە ئاکامی بۆردومانکردنی خاڵێکی سوپای لوبنان لە باشووری ئەو وڵاتە لەلایەن فڕۆکەی جەنگی ئیسرائیلەوە، سەربازێک کوژرا و ژمارەیەکی دیکەیش برینداربوون.

سوپای لوبنان لە ڕاگەیاندراوێکدا ئاماژەی بەوەداوە کە خاڵێکی ھێزەکانیان لە سنووری قەزای سور باشووری لوبنان لەلایەن فڕۆکەی جەنگی ئیسرائیلەوە بۆردومان کراوە.

ڕاشیگەیاندووە کە لە ئاکامی بۆردومانەکەدا، سەربازێک کوژراوە و ژمارەیەکی دیکەیش برینداربوون.