ترەمپ دوای سوێند خواردنی بووە بە ٤٧مین سەرۆکی ئەمریکا

واشنتۆن - AA

دوای بە ئەنجامگەیاندنی سوێندی یاسایی لە کۆنگرەی ئەمریکا، دۆناڵد ترەمپ بووە ٤٧مین سەرۆکی ئەمریکا و بۆ جاری دووهەم دوای ساڵانی ٢٠١٦ بۆ ٢٠٢٠ لەسەر کورسی سەرۆکایەتی ئەمریکا دانیشت.

دۆناڵد ترەمپ دوای چوار ساڵ، ئەمڕۆ جارێکی دیکە لە کۆنگرەی ئەمریکا سوێندی یاسایی خوارد و بە فەرمی قۆناغی سەرۆکایەتییەکەی دەستی پێکرد.

ترەمپ توانیبووی لە هەڵبژاردنی ٥ی تشرینی دووهەم ڕکابەرە دیموکراتەکەی کامالا هاریس شکست بدات و ئەمڕۆ خۆی گەیاندە کۆشکی سپی.

لە ڕێوڕەسمی سوێندخواردنەکەدا هەریەکە لە سەرۆکانی پێشووی ئەمریکا وەک جۆ بایدن، باراک ئۆباما، جۆرج بۆش و بیل کلینۆن بەشدار بوون.