حووسییەکان دەستیان بەسەر دوورگەی ستراتیژی میون-دا گرت

سەرچاوەیەک لە حکوومەتی یەمەن ڕایگەیاند کە حووسییەکان، دەستیان بەسەر دوورگەی ستراتیژی میون-دا گرتووە.

دوورگەی میون کە بە دوورگەیەکی ستراتیژی دادەندرێت دەکەوێتە ناوەڕاستی گەرووی باب مەندەب.

سەرچاوەکە کە نەیویست ناوی ئاشکرا بکرێت بە ئاژانسی ئانادۆڵوی ڕایگەیاند کە حووسییەکان، دەستیان بەسەر دوورگەی ستراتیژی میون-دا گرتووە کە ئەوەش مانای ئەوەیە کە حووسییەکان بە تەواوی دەستیان بەسەر گەرووی باب مەندەب-دا گرتووە.

تا ئێستا حووسییەکان و حکوومەتی یەمەن، بە فەرمی ھیچ ڕاگەیاندراوێکیان لەوبارەیەوە بڵاونەکردووتەوە.