حکوومەتی سووریا ٢٤ بارھەڵگر یارمەتی مرۆیی ڕەوانەی کۆبانێ کرد

سووریا ــ AA

حکوومەتی سووریا ٢٤ بارھەڵگریی یارمەتی مرۆیی ڕەوانەی ناوچەی عەین عەرەب (کۆبانێ) سەربە پارێزگای حەلەب باکووری ئەو وڵاتە، کرد.

پارێزگای حەلەب لە ڕاگەیاندراوێکدا ئاماژەی بەوەداوە کە حکوومەتی سووریا بە ھەماھەنگی لەگەڵ ڕێکخراوەکانی نەتەوە یەکگرتووەکان، لە ڕێگای ٢٤ بارھەڵگرەوە، یارمەتی مرۆیی ڕەوانەی کۆبانێ کردووە.

ڕاشیگەیاندووە کە ئامانج لەو ھەنگاوەی حکوومەتی سووریا، دابینکردنی پێداویستییە مرۆیی و خزمەتگوزارییەکانە بە دانیشتووانی ناوچەکە.