خۆپیشاندانەکانی کەناری رۆژئاوا برینداری لێکەوتەوە

قودس - AA

ھاووڵاتییانی فەلەستین لە کەناری رۆژئاوا دژ بە دروست کردنی کۆمەڵەی نیشتەجێبوونی جولەکەنشین خۆپیشاندانیان رێکخست و وەک ناڕەزایەتییەک ویستیان دار زەیتوون بنێژن.

دەستبەجێ ھێزەکانی ئیسرائیل لەڕێی گولەی پلاستیکی و گازی فرمێسکڕێژەوە بڵاوەیان بە خۆپیشاندانەکە کرد.

بەپێی سەرچاوە ناوخۆییەکان بەھۆی گازی فرمێسکڕێژەوە سێ فەلەستینی بریندار بوون و کەسانێکی زۆریش کەوتنە ژێر کاریگەری گازەکەوە.

جێی وەبیرھێنانەوەیە کەناری رۆژئاوا لە ساڵی ١٩٦٧ەوە لەژێر داگیرکاری ئیسرائیل-دایە و زیاتر لە ٢٥٠ کۆمەڵەی نیشتەجێبوونی جولەکەی تیادا دروستکراوە کە نزیکەی ٤٠٠ خێزانی جولەکەیان تیادا دەژی.

جولەکەکانی کەرتی رۆژئاوا گرفتی زۆریان بۆ ژیانی فەلەستینییەکان دروست کردوە و بەگوێرەی یاسا نێودەوڵەتییەکانیش تەواوی ئەو کۆمەڵەی نیشتەجێبوونانە نایاسایین.