سۆماڵ.. تەقینەوەیەك 17 كوژراوی لێكەوتەوە

بەپێی ئەوەی شایەتحاڵەكان بۆ ئاژانسی ئانادۆڵو ئاشكرایان كردووە لە شارۆچكەی لفولی سەربە ویلایەتی شبیلی خوارووی باشووری رۆژئاوای شاری مۆگادیشۆی پایتەختی سۆماڵ مینێكی چێنراو تەقییەوە و بووە هۆی كوژرانی 17 هاووڵاتی مەدەنی.

وەك شایەتحاڵەكان دەیگێڕنەوە، مێنێك كە لەسەر رێگەی سەرەكی نێوان شاری مۆگادیشۆ و ویلایەتی شبیلی خواروو چێندرابوو، پاسێكی نەفەرهەڵگری كردە ئامانج.

بەپێی ئامارەكان، لەو تەقینەوەیەدا، 17 هاووڵاتی مەدەنی كوژران و سێ کەسی دیكەش بریندار بوون.

یەكێك لە شایەتحاڵەكان بەناوی مەننا ئەحمەد لە شوێنی تەقینەوەكە بۆ ئاژانسی ئانادۆڵو گوتی: "تەقینەوەكە زیانی زۆری بە ئۆتۆمبێلەكە گەیاندووە و تەنەنات بەشێكی گەورەی ئۆتۆمبێلەكەی وێران كردووە".

هەرچەندە هیچ لایەنێك بەرپرسیارێتی لە تەقینەوەكە رانەگەیاندووە بەڵام دەسەڵاتدارانی سۆماڵ، "بزووتنەوەی گەنجان" بە ئەنجامدانی تەقینەوەكانی ئەو وڵاتە، دەزانن.

هەر وەك سەرچاوەكانی سۆماڵ ئاماژە دەكەن، "بزووتنەوەی گەنجان" مین لەسەر رێگەی نێوان ویلایەتی شبیلی خواروو و لەگەڵ شاری مۆگادیشۆ دەچێنن، بەو پێیەی تاكە رێگەیە كە هێزەكانی ئەفریقیا و حكوومەتی سۆماڵ بۆ هاتوچۆ بەكاری دەهێنن.