"له‌ رۆژێكدا نزیكه‌ی پێنج هه‌زار ڤێنیزوێلی وڵاته‌كه‌یان جێده‌هێڵن"

نه‌ته‌وه‌ یه‌كگرتووه‌كان - AA

كۆمیسیۆنی باڵای په‌نابه‌ران سەربە نه‌ته‌وه‌ یه‌كگرتووه‌كان رایگەیاند كه‌ له‌ رۆژێكدا نزیكه‌ی پێنج هه‌زار ڤێنیزوێلی وڵاته‌كه‌یان جێده‌هێڵن.

گوته‌بێژ لە كۆمیسیۆنی باڵای په‌نابه‌ران سه‌ربه‌ نه‌ته‌وه‌ یه‌كگرتووه‌كان، جۆونگ-ئاه غیدینی-ویلیامس له‌ كۆنگره‌یه‌كی رۆژنامه‌وانییدا له‌ ناوه‌ندی گشتیی نه‌ته‌وه‌ یه‌كگرتووه‌كان، باسی له‌وه‌ كرد كه‌ ڤێنیزوێلییه‌كان به‌ هۆی "ناسه‌قامگیری و نادیاری" ره‌وشی وڵاته‌كه‌یان و هۆكاری جۆراوجۆره‌وه‌ به‌رده‌وام وڵاته‌كه‌یان جێده‌هێڵن.

غیدینی-ویلیامس ئه‌وه‌یشی خسته‌ڕوو كه‌ رۆژانه‌ نزیكه‌ی پێنج هه‌زار ڤێنیزوێلی له‌ وڵاته‌كه‌یان هه‌ڵدێن و روو ده‌كه‌نه‌ به‌ڕازیل، كۆلۆمبیا، ئیكوادۆر و پیرۆ.

به‌پێی ئاماره‌كانی كۆمیسیۆنی باڵای په‌نابه‌ران سەربە نه‌ته‌وه‌ یه‌كگرتووه‌كان له‌ ساڵی 2015ه‌وه‌ نزیكه‌ی سێ ملیۆن ڤێنیزوێلی وڵاته‌كه‌یان جێهێشتووه‌.