قودس-AA
له هێرشێكی چهكدارییدا بۆ سهر پهرستگایهك له ناوچهیهكی نیشتهجێبوونی جووهكان له خۆرههڵاتی قودسی داگیركراو، حهوت كهس كوژران.
له راگهیهندراوێكدا كه لهلایهن پۆلیسی ئیسرائیلهوه بڵاوكراوهتهوه، ئاماژه بهوهكراوه هێرشبهرهكه هاتووهته پهرستگایهكی جووهكان له ناوچهی نیشتهجێبوونی نایاسایی نێڤێ یاكۆڤ له خۆرههڵاتی قودسی داگیركراو و دهستی به تهقهكردن كردووه.
ئاماژه بهوهشكراوه له ئهنجامی هێرشهكهدا حهوت كهسی مهدهنی كوژراون و سێ كهسیش برینداربوون.
له راگهیهندراوهكهی پۆلیسدا ئهوهش هاتووه، هێزهكانیان دوای هێرشبهرهكه كهوتوون كه دوای هێرشهكه به ئۆتۆمبیل له شوێنی رووداوهكه ههڵاتووه و له ئهنجامی پێكدادانێكی چهكدارییدا، له چالاكییان خستووه.
وهزیری ئاسایشی نیشتمانیی #ئیسرائیل، ئیتامار بێن گڤیر گهیشته شوێنی رووداوهكه و لهگهڵ بهرپرسی پۆلیسی ئیسرائیل، كۆبی شابتای له دۆخهكهی كۆڵییهوه
— ANADOLU AGENCY (KR) (@aasorani) January 27, 2023
له هێرشێكدا بۆ سهر پهرستگایهكی جووهكان له #قودس حهوت كهس كوژران. #quds https://t.co/GesVUS7hrL pic.twitter.com/gc3Ovoy2XB
- بێن گڤیر گهیشته گهیشته شوێنی رووداوهكه
هاوكات وهزیری ئاسایشی نیشتمانیی ئیسرائیل، ئیتامار بێن گڤیر گهیشته شوێنی رووداوهكه و لهگهڵ بهرپرسی پۆلیسی ئیسرائیل، كۆبی شابتای له دۆخهكهی كۆڵییهوه.
له ماوهی چهند رۆژی رابردوودا، له كهناری خۆرئاوای داگیركراو لهلایهن ئیسرائیلهوه، گرژییهكان زیادیان كرد و ژمارهی ئهو فهڵهستینییانهی گیانیان لهدهستداوه رووی له ههڵكشان كرد.
دوێنێ بهیانی سوپای ئیسرائیل ههڵیكوتایه سهر كهمپی پهنابهرانی جهنین له باكووری كهناری خۆرئاوای داگیركراو و نۆ هاووڵاتیی فهڵهستینی كوشت كه یهكێكیان ژنێكی تهمهن ٦٠ ساڵانه. دواتر له خۆرههڵاتی قودسی داگیركراو له ئهنجامی ئهو رووداوانهی كه بههۆی هێرشهكهی سوپای ئیسرائیل بۆ سهر كهمپی جهنین هاتنه ئاراوه، گهنجێكی تهمهن ٢٢ساڵانی فهڵهستینی كوژرا.
