لێدوانی سکرتێری گشتی نەتەوە یەکگرتووەکان لەبارەی غەززە

پاریس - AA

سکرتێری گشتی نەتەوە یەکگرتووەکان، ئەنتۆنیۆ گوتەرێس رایگەیاند کە پێویستە دەستبەجێ رێگری لە بارگرژی غەززە بکرێ و بە پێچەوانەوە ھۆشداری دەستپێکرنی جەنگێکی تراژیدی گەورەی دا.

لە ناوەندی گشتی رێکخراوی پەروەردە، زانست و رۆشنبیری (یونسکۆ)، لە شاری پاریس، سکرتێری گشتی نەتەوە یەکگرتووەکان، ئەنتۆنیۆ گوتەرێس لێدوانی پێشکەش بە کەناڵی France٢٤ کرد.

گوتەرێس لە وەڵامی پرسیارێکدا لەبارەی غەززە گوتی: "پێش ھەموو شتێک (دواپێشھاتەکانی غەززە)، دۆخەکە زۆر جێگەی نیگەرانییە. تراژیدیایەکە کە پێناسە ناکرێ. ئەو ئازارانەی کە خەڵکی غەززە دەیکێشێ نموونەی نییە. من خۆم پێش چەند مانگێک لە غەززە بووم. بە راستی بەندیخانەیەکی زۆر گەورەیە کە تێدا ژمارەیەکی زۆر بەندکراو ھیوایان بە داھاتوو نەماوە".

گوتیشی: "ھیوادارم بارگرژییەکە کۆتایی بێت. بە پێچەوانەوە جەنگێکی نوێ لە غەززە دەستپێدەکات و رووبەڕووی تراژیدیایەکی گەورە دەبینەوە. پێویستە رێگری لەمە بکرێ".

گوتەرێس باسی لە پرسی چاکسازی لە ئەنجوومەنی ئاسایشی نەتەوە یەکگرتووەکان کرد و رایگەیاند کە ئیتر جیھان وەک سەردەمی شەڕی سارد جووت جەمسەر نییە و یاخود وەک ساڵەکانی ١٩٩٠ تاک جەمسەری نییە.