لە پەلامارێکی داعش دا ٢٠ چەکداری ئۆپۆزسیۆنی سووریا کوژران

لە ئاکامی تەقینەوەی ئۆتۆمبێلێکی بۆمبرێژکراو کە لەلایەن چەکداران داعش دانرابووەوە لە ناحیەی چۆبانبێی باکووری رۆژهەڵاتی حەلەب لە سووریا ٢٠ چەکداری ئۆپۆزسیۆنی سووریا گیانیان لەدەست دا و بە دەیانی دیکەش برینداربوون.

بە گوێرەی ئەو زانیارییانەی پەیامنێرانی ئاژانسی ئانادۆڵو لە سەرچاوە نێوخۆییەکان بەدەستیان کەوتووە، پێکدادانێکی توند لە ناحیەی چۆبانبێی سەر بە شارۆچکەی باب لە حەلەب لە نێوان هێزەکانی ئۆپۆزسیۆنی سووریا و چەکدارانی داعش بەدیدەکرێت.

لەم نێوەندەش چەکدارانی داعش لە رێگای ئۆتۆمبێلێکی بۆمبرێژکراوەوە پەلاماری ناحیەکەیان داو و بەهۆیەوە ٢٠ چەکداری ئۆپۆزسیۆن کوژران و بە دەیانی دیکەش برینداربوون.

ماوەی دوو ساڵە بەبێ وەستان شەر و پێکدادان لە باکووری شاری حەلەب لە نێوان هێزەکانی ئۆپۆزسیۆنی سووریا و چەکدارانی داعش لە ئارادایە و ناوبەناو داعش پێشرەوی دەکات و دواتر ئۆپۆزسیۆنی سووریا ناوچەکان کۆنترۆڵ دەکاتەوە