هاسپێل بووە به‌ڕێوه‌به‌ری سی ئای ئه‌ی

واشنتۆن - AA

گینا هاسپێل كه‌ سه‌رۆكی ئه‌مریكا دۆناڵد تره‌مپ كاندیدی كردووه‌ بۆ ئه‌وه‌ی ببێته‌ به‌ڕێوه‌به‌ری ده‌زگای هه‌واڵگری ناوه‌ندی (سی ئای ئه‌ی) و به‌هۆی ئه‌شكه‌نجه‌دانی زیندانییانه‌وه‌ مشتومڕی له‌باره‌وه‌ ده‌كرێ، به‌ ره‌زامه‌ندی ده‌ربڕینی له‌ سیناتۆ بوو به‌ یه‌كه‌مین ژن ئه‌و پۆسته‌ وه‌ربگرێت.

دوای چه‌ندین هه‌فته‌ له‌ مشتومڕ له‌باره‌ی ئه‌شكه‌نجه‌دانی زیندانیان له‌ ده‌ره‌وه‌ی وڵات دوای هێرشه‌كانی ١١ی ئه‌یلوول، كاندیدی تره‌مپ بۆ به‌ڕێوه‌به‌ری ده‌زگای هه‌واڵگری ناوه‌ندی (سی ئای ئه‌ی) گینا هاسپێل ره‌زامه‌ندی سیناتۆی به‌ده‌ست هێنا.

له‌ دانیشتنی گشتیی سیناتۆیدا له‌ كۆی ١٠٠ ئه‌ندام ٤٥ سیناتۆر به‌ نه‌خێر و ٥٤ سیناتۆریش به‌ به‌ڵێ ده‌نگیان دا.

هاسپێل ماوه‌ی ٣٣ ساڵه‌ له‌ سی ئای ئه‌ی كار ده‌كات و چاوه‌ڕێ ده‌كرێت بەم نزیكانه‌ سوێند بخوات و ده‌ست بكات به‌ كاره‌كه‌ی.

ده‌گوترێ تره‌مپ له‌ كاتێكدا ئه‌ركی وه‌زیری ده‌ره‌وه‌ی به‌ مایك پۆمپیۆ سپاردووه‌ و هاسپێلی بۆ به‌ڕێوه‌به‌ری سی ئای ئه‌ی كاندیدكردووه‌، سی ئای ئه‌ی راسپاردووه‌ به‌ سڕینه‌وه‌ی ئه‌و گرته‌ ڤیدیۆیانه‌ی كه‌ تیایاندا هاسپێل ئه‌شكه‌نجه‌ی زیندانییان ده‌دا له‌ گرتوخانه‌یه‌كی تایلاند كه‌ یه‌كه‌م گرتووخانه‌ بووه‌ له‌ ده‌ره‌وه‌ی ئه‌مریكا.