پەیوەندی رژێمی سووریا و پەیەدە

- نوێنەری هەمیشەیی سووریا لە نەتەوە یەکگرتووەکان: ''ئەو گرووپە کوردییەی کە لەلایەن ئەمریکاوە پشتیوانی دەکرێت، هاوکات لەلایەن حکوومەتی دیمەشقیشەوە هاوکاریی دەکرێت. هەرلەبەر ئەوەش ئەو سەرکەوتنانەی لە باکووری سووریا بەدەست هاتوون، ئەو سەرکەوتنانەن کە سوپای سووریا و کوردەکان بۆ تەواوی گەلی سووریا-یان بەدەست هێناوە''.

نوێنەری هەمیشەیی سووریا لە نەتەوە یەكگرتووەكان بەشار جەعفەری وێرای داننان بە پەیوەندی رژێمی سووریا و پەیەدە، رایگەیاند "ئەمریكا، رووسیا و حكوومەتی سووریا هاوكاری پەیەدە و یەپەگەی باڵی سەربازی ئەو پارتە دەكەن".

جەعفەری لە لێدوانێكی بۆ رۆژنامەوانان لە بارەگای نەتەوە یەكگرتووەكان لە شاری نیویۆرك، گوزارشتی گرنگی سەبارەت بە هاوكێشەكان و هاوپەیمانێتییەكانی ناو سووریا بەكارهێنا.

بەشار جەعفەری بە ئاماژەدان بۆ پەیەدە، رایگەیاند كە ئەمریكا هاوكاریی گرووپێكی كورد لە سووریا دەكات و توركیاش داوای لە واشنتۆن كردووە واز لەو سیاسەتەی بهێنێت.

نوێنەری هەمیشەیی سووریا لە نەتەوە یەكگرتووەكان باسی لەوە كرد كە ''پێدەچێت لەم دۆخەدا پێكدادانی بەرژەوەندییەكان بێتە ئاراوە'' و ''ئەو گرووپە كوردییەی كە لەلایەن ئەمریكاوە پشتیوانییان لێ دەكرێت، هاوكات لەلایەن حكوومەتی دیمەشقیشەوە هاوكاریی دەكرێن. هەرلەبەر ئەوەش ئەو سەركەوتنانەی لە باكووری سووریا بەدەست هاتوون، ئەو سەركەوتنانەن كە سوپای سووریا و كوردەكان بۆ تەواوی گەلی سووریایان بەدەست هێناوە. هەمووان سوودمەندن لە پشتیوانیی راستەوخۆی سوپای سووریا''.