سەرکۆماری ئازەربایجان پێشوازی لە چاوشئۆغڵو کرد

باکۆ - AA

وەزیری دەرەوەی تورکیا مەولود چاوشئۆغڵو کە بەمەبەستی بەشداریکردنی لە کۆبوونەوەی وەزیرانی دەرەوەی تورکیا، ئازەربایجان و پاکستان سەردانی باکۆی پایتەختی ئازەربایجانی کردووە لەلایەن سەرکۆمارى ئەو وڵاتەوە ئیلهام عەلیێیڤ پێشوازی لێکرا.

لە کۆبوونەوەکەدا هەردوولا لەبارەی گرنگی کۆبوونەوەی وەزیرانی دەرەوەی تورکیا، ئازەربایجان و پاکستان دواون و ئاماژەیان بەوەداوە کە دەبێتە رێگاچارەیەکی نوێی هەماهەنگی لەنێوان هەرسێ وڵات.

لە میانی سەردانەکەیدا وەزیری دەرەوەی تورکیا، مەولود چاوشئۆغڵو لەگەڵ هاوتا ئازەربایجانیەکەشی ئەلمار مەمەدیارۆڤ کۆبوویەوە.