ئه‌رمینیا ته‌رمی پێنج سه‌ربازه‌ ئازه‌رییه‌كه‌ راده‌ست ناكاته‌وه‌

باكو - AA

وه‌زاره‌تی به‌رگریی ئازه‌ربایجان رایگه‌یاند، هه‌رچه‌نده‌ رێككه‌وتنی نێوده‌وڵه‌تی له‌باره‌ی وه‌رگرتنه‌وه‌ی ته‌رمی ئه‌و پێنج سه‌ربازه‌ ئازه‌رییه‌ی کە 24ی شوبات له‌ پێكدادانه‌كاندا له‌گه‌ڵ سوپای ئه‌رمینیا گیانیان له‌ده‌ستدابوو ئه‌نجامدراوه‌، ئه‌رمینیا داواكاریی دیكه‌ی هه‌یه‌ و راده‌ستیان ناكاته‌وه‌.

له‌ ووونكردنه‌وه‌كه‌دا هاتووه‌ کە به‌نێوه‌ندگیریی نوێنه‌رانی رێكخراوه‌ نێوده‌وڵه‌تییه‌كان ئۆپه‌راسیۆنی وه‌رگرتنه‌وه‌ی ته‌رمه‌كان ده‌ستپێكراوه‌، به‌ڵام ئه‌رمینیا داواكاری و مه‌رجی قبووڵنه‌كراوی هه‌یه‌ و رێككه‌وتنه‌كه‌ی پێشێلكردووه‌.