ئیسپانیا ھێشتنەوەی سیستمی بەرگریی مووشەکی لە تورکیا درێژکردەوە

مەدرید - AA

سەرۆکوەزیرانی ئیسپانیا، پیدرۆ سانچێز رایگەیاند، وڵاتەکەی بەردەوام دەبێت لە ھێشتنەوەی سیستمی بەرگریی مووشەکی خۆی لە تورکیا.

بەگوێرەی راگەیەندراوێکی سەرۆکایەتی ئەنجوومەنی وەزیرانی ئیسپانیا، لە میانی بەڕێوەچوونی کۆبوونەوەی لووتکەی ناتۆدا، داواکاریی سانچێز لەسەر ھێشتنەوەی سیستمی بەرگریی مووشەکی ئیسپانیا لە تورکیا لە ساڵی ٢٠٢٠دا لە لایەن وڵاتانی ئەندامی ناتۆوە پەسەند کراوە.

بۆ وەڵامدانەوە و رێگریی لەو ھەڕەشانەی لە سووریاوە بۆ سەر تورکیا ھەبوو، ھەروەھا بەمەبەستی پاراستنی تورکیا لە لایەن ناتۆوە، لە ئەدەنە سیستمی بەرگریی مووشەکی دامەزرێنرا، ئیسپانیا لە ساڵی ٢٠١٥دا سیستمەکەی لە ھۆڵەندا وەرگرت.

پێشتر وەزارەتی بەرگریی ئیسپانیا، پاش مانەوە بۆ ماوەی چوار ساڵ، دواجار بریاری درێژکردنەوەی مانەوەی سیستمی بەرگریی مووشەکی لە ئەدەنە تا کۆتایی ساڵی ٢٠١٩ دابوو.