ئەمریکا و چین رێککەوتنێک بە بڕی نۆ ملیار دۆلار واژوو دەکەن

پەکین - AA

سەرۆکی ئەمریکا، دۆناڵد ترەمپ لە میانی سەردانەکەیدا بۆ پەکین، رێککەوتنێکی بە بڕی نۆ ملیار دۆلار لەگەڵ حکوومەتی چین واژوو کرد.

بە ئامادەبوونی وەزیری بازرگانی ئەمریکا، ویلبور رۆس و یاریدەدەری سەرۆکوەزیرانی چین، ڤانگ یانگ مەڕاسیمی واژووکردنی رێککەوتنێکی ١٩ خاڵی بە بڕی نۆ ملیار دۆلار واژوو کرا.

ڤانگ یانگ لە گوتەیەکدا ئاماژەی بەوەدا کە رێککەوتنەکە خولێکی گەرمکردنەوەیە و رایگەیاند ئەو رێککەوتنە بۆ هەردوو وڵاتەکە کاریگەری باشی دەبێت لەسەر پاراستنی هاوسەنگی بازرگانی و پەیوەندییەکانی نێوان هەردوو وڵات.

وەزیری بازرگانی ئەمریکا، ویلبور رۆس ئاماژەی بەوەدا کە پرسی ناهاوسەنگی بازرگانی ئەمریکا و چین، خاڵی هاوبەشی مشتومڕەکانی سەرۆکی هەردوو وڵات بووە و هەردوولا ئامانجی هاوبەشیان ئەوەیە کە مامەڵەی دادپەوەروەری كۆمپانیاکان بەرجەستە بکەن.