لە ئاکامی تەقینەوەیەک لە شارۆچکەی دەخەلیەی باکووری میسر، لە نزیک تەلاری هێزە ئاسایشپارێزەکان، ھەشت کەس کوژران و زیاتر لە ٩٠ کەس برینداربوون.
مەجدی حیجازی، کاربەدەستی نەخۆشخانەی شارۆچکەکە گوتی: "لە تەقینەوەکەدا ھەشت کەس گیانیان لەدەستداوە و زیاتر لە ٩٠ کەس کە سامی ئەلمەیھیی بەڕێوەبەری ئاسایشی دەخلیەشیان لە ناودایە بریندارن، باری تەندروستیی مەیھی لە مەترسیدایە."
ھەروەھا سەرچاوەیەک لە ئاسایشەوە رایگەیاند: بەشێک لە تەلاری ئاسایش داڕووخاوەو بەنزینخانەیەکی نزیکی رووداوەکە ئاگری تێچووە.
