"لە خۆپیشاندانەکانی عێراق ٢٨ کەس کوژراون"

بەغدا - AA

لە خۆپیشاندانەکانی شاری بەغدای پایتەختی عێراق و بەشێکی شارەکانی باشوور بەھۆی "بێکاری، گەندەڵی و کەمی خزمەتگوزاری گشتی" ٢٨ کەس گیانی لەدەستدا کە یەکیان پۆلیسە و ھەزار و ١٧٧ کەسیش برینداربوون.

ئەندامی کۆمسیۆنی مافەکانی مرۆڤی ئەنجوومەنی نوێنەرانی عێراق، ھەیمەن باجلان لە لێدوانێکیدا بۆ ئاژانسی ئانادۆڵو رایگەیاند "کە لەوەتەی دەستپێکی خۆپیشاندانەکان لە ١ی تشرینی یەکەمەوە تاکو ئێستا ٢٨ کەس گیانی لەدەستداوە و ھەزار و ١٧٧ کەسیش برینداربوون".

ناوبراو راشیگەیاند کە یەکێک لەو کەسانەی گیانی لەدەستداوە پۆلیسە.

لەوەو پێش راگەیەندرابوو کە بەھۆی خۆپیشاندانەکانەوە ١٩ کەس کوژراون و زیاتر لە ٢٠٠ کەسیش برینداربوون.

لە شاری بەغدا و شارەکانی زیقار (ناسڕیە) و میسان (عەمارە) و بابل (حیللە) قەدەغەی ھاتووچۆ بەھۆی خۆپیشاندانەکانەوە راگەیەندراوە.