هێزە عێراقییەکان پردێ-یان کۆنترۆڵ کرد

بەغدا- AA

هێزەکانی سەربە حکوومەتی ناوەندیی عێراق کۆنترۆڵی شارەدێی پردێی سەربە کەرکووکیان کرد.

شانەی راگەیاندنی جەنگی سەربە وەزارەتی بەرگریی عێراق لە راگەیەنراوێکدا ئاماژەی بەوە کردووە کە ''هێزەکانی دژە تیرۆر، پۆلیسی فیدراڵی و حەشدی شەعبی چوونە ناو شارەدێی پردێ''.

هاوکات لە روونکردنەوەیەکدا سەرچاوەیەکی ئەمنی بە ماڵپەڕی فەرمی یەکێتیی نیشتمانیی کوردستانی راگەیاندووە، لەسەر رێگەی نێوان هەولێر-کەرکووک پێکدادان لەنێوان هێزەکانی پێشمەرگە و هێزە عێراقییەکان روویداوە.