"تا ئێستا لەسەدا ٢٥ی دەنگەکانی بازنەی سڵێمانی جیاکراوەتەوە"

لیژنەی دادوەرانی کۆنگرەی چوارەمی یەکێتیی نیشتمانیی کوردستان رایگەیاند "پرۆسەی دەنگدان بۆ ئەنجوومەنی سەرکردایەتی یەکێتی بەسەرکەوتوویی کۆتایی ھاتووە و لەئێستادا ٢٥%ی دەنگەکانی بازنەی سلێمانی جیاکراونەتەوە و دەستیش بە جیاکردنەوەی دەنگەکانی بازنەی کەرکووک کراوە.

لیژنەی دادوەرانی کۆنگرەی چوارەمی یەکێتیی نیشتمانیی کوردستان بە کەناڵی فەرمی حزبەکەیان راگەیاندووە کە "بەستنی کۆنگرە سەرکەوتنێکی گەورەیە بۆ یەکێتی".

کۆنگرەی چوارەمی یەکێتیی نیشتمانیی کوردستان لەژێر ناوی کۆبوونەوەی نوێبوونەوە لە سێ رۆژى رابردوودا کارەکانی خۆی بەڕێکرد و تیایدا بەزۆرینەی دەنگ پەیڕەوی ناوخۆی پارتەکە پەسند کراو.

شەوی رابردوو گوتەبێژی گۆنگرەی چوارەمی یەکێتیی نیشتمانیی کوردستان، مەلا یاسین لە کۆنگرەیەکی رۆژنامەوانییدا رایگەیاند کە ئەمڕۆ سێشەممە ئەنجامی دەنگدان رادەگەیەندرێت.