تەقینەوەی کۆگایەکی چەکی حەشدی شەعبی لە عێراق

بەغدا - AA

لە پارێزگای دیالە باکووری رۆژهەڵاتی عێراق، تەقینەوەیەک لە کۆگایەکی چەکی سەربە چەکدارانی حەشدی شەعبی روویدا.

بەپێی ئەو زانیارییانەی کە لە سەرچاوە ئەمنییەکانی عێراق دەستکەوتوون، تەقینەوەکە لە کۆگایەکی چەکی سەربە حەشدی شەعبی لە بنکەی سەربازیی ئەشرەف باکووری شاری باقووبە سنووری کارگێڕی پارێزگای دیالە روویداوە.

تا ئێستا نازانرێت تەقینەوەکە بەهۆی شۆرتی کارەباوە روویداوە یان بەهۆی هێرشی ئاسمانییەوە.

حەشدی شەعبی هیچ روونکردنەوەیەکی لەو بارەیەوە بڵاونەکردووەتەوە.