لە ناوەڕاستی عێراق ١٦ تۆمەتبار دەستگیر کران

ھەولێر – AA

لە میانی زنجیرەیەک ئۆپەراسیۆنی ھێزە ئەمنییەکانی عێراقدا لە پارێزگای بەغدا ناوەڕاستی ئەو وڵاتە، ١٦ تۆمەتبار دەستگیر کران، ھەروەھا دەست بەسەر ژمارەیەک پارچە چەک و بڕێک ماددەی ھۆشبەردا گیرا.

شانەی راگەیاندنی ئەمنی سەربە نووسینگەی سەرۆکوەزیرانی عێراق لە راگەیەندراوێکدا ئاماژەی بەوەداوە کە ھێزە ئەمنییەکان زنجیرەیەک ئۆپەراسیۆنیان لە ژمارەیەک ناوچەی رۆژھەڵات و رۆژئاوای پارێزگای بەغدا ئەنجامداوە.

راشیگەیاندووە کە لە میانی ئۆپەراسیۆنەکاندا، ١٦ تۆمەتبار دەستگیرکراون.

ھەروەھا باسی لەوەش کردووە کە لە میانی ئۆپەراسیۆنەکاندا، دەست بەسەر ژمارەیەک پارچە چەک و بڕێک ماددەی ھۆشبەردا گیراوە.