هێڵی ئاسمانیی عێراق گه‌شته‌كانی کەرکووک-ئەنتاڵیای ده‌ستپێكرد

ئەمڕۆ یەکەمین گەشتی هێڵی ئاسمانیی عێراق لە کەرکووکەوە بۆ ئەنتاڵیا ئەنجامدرا.

بەرپرسی نووسینگەی ڕاگەیاندنی فڕۆکەخانەی کەرکووک، هەردی سەمەد لە لێدوانێکدا بۆ ئاژانسی ئانادۆڵو ئاماژه‌ی به‌وه‌ كرد ئەمڕۆ یەکەمین گەشتی ئاسایی لە کەرکووکەوە بۆ ئەنتاڵیا دەستیپێکردووە.

سەمەد باسی له‌وه‌ کرد کە فڕۆکەی هێڵی ئاسمانیی عێراق لە بەغداوە بەڕێکەوتووە و لە کەرکووک نیشتووەتەوە و دواتر بەرەو فڕۆکەخانەی ئەنتاڵیا گەشتی کردووە.

سەمەد ئەوەشی خستەڕوو گەشتەکان هەفتەی یەک ڕۆژ بە شێوازی دوولایەنە ئەنجام دەدرێن و، بریاره‌ لە قۆناغی داهاتوودا ژمارەی گەشتەکان قۆناغ بە قۆناغ زیاد بکرێن.