کاروانێکی ھێزەکانی ھاوپەیمانیی نێودەوڵەتی لە عێراق کرایە ئامانج

ھەولێر ــ AA

کاروانێکی گواستنەوەی کەلوپەلی لۆجستی سەربە ھێزەکانی ھاوپەیمانیی نێودەوڵەتی دژبە داعش لە پارێزگای بەسرە باشووری عێراق، کرایە ئامانج.

سەرچاوەیەکی ئەمنی لە پارێزگای بەسرە بە میدیا عێراقییەکانی رایگەیاندووە کە بۆمبێکی چێنراو لە پارێزگای بەسرە، بە کاروانێکی گواستنەوەی کەلوپەلی لۆجستی سەربە ھێزەکانی ھاوپەیمانیی نێودەوڵەتی دژبە داعشدا، تەقیوەتەوە.

بە گوتەی سەرچاوەکە، تەقینەوەکە زیانی گیانی و ماددی لێ نەکەوتووەتەوە.

تا ئێستا ھیچ لایەنێک بەرپرسیارێتی خۆی لە ئەنجامدانی تەقینەوەکە، رانەگەیاندووە.