کوژرانی فەرماندەییەکی سەرایا سەلام باڵی سەربازیی رەوتی سەدر

ھەولێر ــ AA

لە ئاکامی ھێرشێکی چەکداری لە باشووری رۆژئاوای بەغدا پایتەختی عێراق، فەرماندە لە سەرایا سەلام باڵی سەربازیی رەوتی سەدر، نەسیر ئەبو درع محەمەداوی کوژرا.

لەمبارەیەوە ئەفسەرێک لە پۆلیسی بەغدا بە ئاژانسی ئانادۆڵوی رايگەیاند کە درەنگانی شەوی رابردوو، ژمارەیەک چەکداری نەناسراو لە گەڕەکی ریسالە باشووری رۆژئاوای بەغدای پایتەخت، تەقەیان لە نەسیر ئەبو درع محەمەداوی کردووە کە بەھۆیەوە ناوبراو کوژراوە.

تا ئێستا ھیچ لایەنێک بەرپرسیاریەتیی خۆی لە ئەنجامدانی ھێرشەکە رانەگەیاندووە، ھەروەھا رەوتی سەدر و دەسەڵاتدارە ئەمنییەکانی عێراقیش ھیچ روونکردنەوەیەکیان لەوبارەیەوە بڵاونەکردووەتەوە.