جامی جیهانیی ٢٠٢٢... مەغریب لە کەنەدای بردەوە

دۆحە – AA

لە کۆتا یاریی گرووپی شه‌شه‌م له‌ چوارچێوه‌ی ركابه‌رییه‌كانی قۆناغی كۆمه‌ڵه‌كان لە میانی یارییەکانی مۆندیالی ٢٠٢٢ له‌ قه‌ته‌ر، هەڵبژاردەی مەغریب بە ئەنجامی ٢-١ لە هەڵبژاردەی کەنەدای بردەوە.

مەغریب لە یارییەکەیدا لە بەرامبەر کەنەدا کە هیچ هیوایەکی بۆ سەرکەوتن نەمابوو، لە خولەکی چوارەمدا گۆڵێکی لە رێگەی حەکیم زیاش تۆمار کرد.

هه‌ڵبژارده‌ی مەغریب بەردەوامبوو لە هێرشەکانی و لە خولەکی ٢٣ی یارییەکەدا لە رێگەی ناسیرییەوە جارێکی دی تۆڕی کەنەدایان هەژاند و گۆڵی دووەمیان تۆمار کرد.

لە خولەکی ٤٠ یارییەکەدا، بەرگریکاری مەغریب نایف ئه‌كراد بە هەڵە گۆڵێکی لە خۆیان کرد و ئەنجامەکەی بۆ ٢-١ گۆڕی.

نیوەی یەکەمی یارییەکە بە ئەنجامی ٢-١ کۆتایی هات.

لە نیوەی دووەمی یارییەکەدا هیچ گۆڕانکارییەک بەسەر ئەنجامەکەدا نەهات و بە دوو گۆڵ بەرامبەر بە گۆڵێک لە بەرژەوەندی مەغریب کۆتایی هات.

هەڵبژاردەی مەغریب، بەم بردنەوەیە وەکی یەکەمی گرووپی شه‌شه‌م سەرکەوت بۆ قۆناغی ١٦.