قۆناغی ١٦ی یۆڕۆ ٢٠١٦

سبەی یارییەکانی قۆناغی ١٦ی یۆڕۆ ٢٠١٦ بە ئەنجامدانی سێ یاری دەست پێدەکات.

لە یاری یەکەمدا کاتژمێر ٤:٠٠ی دوای نیوەڕۆ بە کاتی هەرێمی کوردستان، هەڵبژاردەی سویسڕا رووبەڕووی هەڵبژاردەی پۆڵەندا دەبێتەوە.

لە یاری دووەمیشدا کە کاتژمێر ٧:٠٠ ئێوارە بەکاتی هەرێمی کوردستان بەڕێوەدەچێت، هەڵبژاردەکانی وێلز و ئیرلەندای باکوور رووبەڕووی یەک دەبنەوە.

لە یاری سێیەمیشدا کە بە یاری ئاگرین هەژمار دەکرێت کاتژمێر ١٠:٠٠ شەو بەکاتی هەرێمی کوردستان هەردوو هەڵبژاردەی کڕواتیا و پرتوگال رووبەڕووی یەکتر دەبنەوە.