بوومەلەرزەیەك كەناراوەكانی نیوزیلاندی هەژاند

واشنتۆن ــ AA

بە پێی ناوەندی جیۆلۆجی ئەمریكی، بوومەلەرزەیەك بە گوڕی ٦،٦ پلە لەسەر پێوەری رێختەر كەناراوەكانی نیوزیلاندی هەژاند.

لە بەیاننامەیەكی ناوەندەكەدا هاتووە کە بوومەلەرەزەكە بە دووری ١٩٨ كیلۆمەتر لە باكووری رۆژهەڵاتی دوورگەی ئۆكلاند باكووری ئەو وڵاتە روویداوە.

بە پێی بەیاننامەكە، چەقی بوومەلەرزەكە لە قوڵایی ١٠ كیلۆمەتر لە ژێر ئاستی دەریاوە بووە.

تا ئێستا دەسەڵاتدارانی نیوزیلاند هیچ داتایەكیان لەبارەی زیانەکانی گیانی و ماددی بوومەلەرزەكە بڵاونەكردووەتەوە.