فیستیڤاڵی خلیسکان لەسەر بەفر لە پێنجوێن دەستپێدەکات

سلێمانی-AA

بەڕێوەبەرایەتی گشتی گەشتوگوزاری سلێمانی و سەنتەری پەرەپێدانی گەنجانی پێنجوێن، بە سپۆنسەری دەزگای مرۆیی مام، فیستیڤاڵی هەفتەی سپی رێکدەخەن.

ئەمرۆ ٥ی شوباتی ٢٠٢٠ کاتژمێر١٠ی بەیانی، بە سپۆنسەری دەزگای مرۆیی مام، بەڕێوەبەرایەتی گشتی گەشتوگوزاری سلێمانی و سەنتەری پەرەپێدانی گەنجانی پێنجوێن فیستیڤاڵی هەفتەی سپی، تایبەت بە خلیسکان بەڕێوەدەبەن.

فیستیڤاڵەکە بۆ یەک هەفتەیە و تایبەتە بە ئەنجامدانی وەرزشی خلیسکانی سەر بەفر لە شاری پێنجوێن لەسەر رێگای گوندی کانی سێف- پێنجوێن لە پشت گۆرستانی راوکان ئەنجام دەدرێت.