پاكستان.. رووداوێكی هاتوچۆ ٧٤ قوربانی لێكەوتەوە

كراچی ــ AA

لە ئاكامی كەوتنەخوارەوەی پاسێكی نەفەر هەڵگر لە چیایەك لە ویلایەتی پنجاب لە پاكستان، ٢٤ كەس گیانیان لەدەستداو و ٥٠ی دیكەش بریندار بوون.

كەناڵی دونیا نیوز پشتبەستن بە زانیارییەكانی بەرپرسانی تیمی رزگاركردن بڵاوی كردەووە، رووداوەكە لە ناوچەی چاكوال لە ویلایەتی پنجاب روویداوە و بە هۆیەوە ٢٤ كەس گیانیان لەدەستداوە و ٥٠ی دیكەش بریندار بوون.

كەناڵەكە ئاماژەی بەوەشداوە كە پاسەكە نزیكەی ٨٠ كەس دەگواستەوە بە مەبەستی ئامادەبوون لە كۆبوونەوەیەكی ئایینی لە نزیك شاری لاهور.

كەناڵەكە ئەوەشی بڵاوكردەوە کە لە رووداوەكەدا، ١٢ كەس بە سەختی بریندار بوون.

بڵاویش کرایەوە کە بە پێی لێكۆڵینەوە بەراییەكان، رووداوەكە لە ئاكامی تیژڕۆیی بووە.