Албанија наскоро официјално ќе ја прогласи Иранската револуционерна гарда за терористичка организација

СКОПЈЕ (AA) – Министерот за Европа и надворешни работи на Албанија, Ферит Хоџа, изјави дека Тирана наскоро ќе донесе официјална одлука да ја прогласи Иранската револуционерна гарда (ИРГЦ) за терористичка организација, пренесува Анадолу.

Хоџа оствари телефонски разговор со израелскиот министер за надворешни работи, Гидеон Сар, а во објава на американската социјална мрежа X по разговорот изрази солидарност со Израел „и со сите погодени од нападите извршени од Иран и Хезболах“.

„Албанија ги поддржува решителните меѓународни напори да се обезбеди иранскиот режим да биде спречен да се здобие со нуклеарно оружје или со кое било друго оружје за масовно уништување што го загрозува мирот во регионот и пошироко“, изјави Хоџа.

„Иран заслужува влада од народот и за народот. Албанија наскоро ќе донесе официјална одлука да ја прогласи ИРГЦ она што навистина е: терористичка организација“, предупреди тој.

Тој исто така изрази дека ја цени „долгогодишните пријателски односи и силните врски меѓу Албанија и Израел“, додавајќи дека оваа година се одбележува 35-годишнината од дипломатските односи меѓу двете земји.

„Со нетрпение очекувам да ја продолжиме нашата блиска соработка“, изјави шефот на албанската дипломатија.

Од друга страна, израелскиот министер за надворешни работи рече дека неговата земја ја цени „долгогодишната пријателска врска“ меѓу двете држави и билатералните односи, а му честиташе на Хоџа за преземањето на функцијата.

„Разговаравме за нашата војна против Иран и ја истакнав важноста од завршување на процесот за прогласување на ИРГЦ како терористичка организација“, напиша Сар на Х, изразувајќи желба да го пречека својот колега во Ерусалим.