Северна Македонија: Од последиците од Ковид-19 починаа 16 лица, регистрирани 913 нови случаи

СКОПЈЕ

Во последните 24 часа во Република Северна Македонија регистрирани се 913 нови случаи на коронавирусот (Ковид-19), со што вкупната бројка на евидентирани случаи од почетокот на епидемијата во земјата порасна на 109.262, пренесува Агенција Анадолија (АА).

Од последици предизвикани од коронавирусот во истиот период починаа 16 лица, со што билансот на починати од овој вирус во земјата се искачи на 3.244.

Денеска Институтот за јавно здравје регистрира 351 оздравени пациенти од Ковид-19, додека вкупната бројка на излекувани изнесува 96.173.

Во моментот, бројот на активни случаи со Ковид-19 е 9.845.

Министерството за здравство информира дека во последните 24 часа се реализирани 3.394 тестирања за Ковид-19, а досега во земјата се направени вкупно 548.210 тестирања.

На вчерашната седница на Владата на Северна Македонија донесена е одлука за воведување на полициски час со цел спречување на ширењето на коронавирусот, кој ќе трае од 22:00 до 05:00 часот. Забраната за движење во сила стапува од денес и ќе трае до 22 март.